aashiq-e-haq hain hamin shikwa-e-taqdir nahin pech-e-qismat ka kam-az-zulf-e-girah-gir nahin bas ki aahon se asiron ke bahe lakht-e-jigar be-nagin aaj koi khana-e-zanjir nahin kushtani pas to aa jae magar tere pas neza-o-tir hi hai dashna-o-shamshir nahin sab ke is umr mein ho jate hain aise hi hawas tujh se kuchh shikwa hamein ai falak-e-pir nahin ghar ki virani ko kya roun ki ye pahle se tang itna hai ki gunjaish-e-tamir nahin aadamiyat nahin tujh mein ye adu ki hai gharaz yun pari kahne mein mana teri tahqir nahin jumbish abru ko hai lekin nahin aashiq pe nigah tum kaman kyun liye phirte ho agar tir nahin himmat-e-murgh-e-sahar-khwan ka hun qail ki use nale se zamzama maqsud hai tasir nahin apne ustad ke andaz pe mera hai kalam mujh ko 'nazim' hawas-e-pairwi-e-'mir' nahin