aashiyan par karam-e-barq-e-tapan hai ab bhi dekho gulshan ki fazaon mein dhuan hai ab bhi ham-safiran-e-chaman tum ko mubarak ho bahaar hum asiron ke muqaddar mein khizan hai ab bhi daur hai sang-e-hawadis ka magar kya kahiye dil mein ek kar-gah-e-shisha-garan hai ab bhi ab na wo dil hai na wo dil ki tamanna lekin chashm-e-jaanan meri jaanib nigaran hai ab bhi hum ne kyun ek tabassum ki tamanna ki thi aankh us jurm pe khunaba-fashan hai ab bhi rahnumai ka ye jadu koi dekhe 'maikash' gard-e-rah par hamein manzil ka guman hai ab bhi