aasmanon ki bulandi se utar aaya hun

aasmanon ki bulandi se utar aaya hun
ai zamin mujh ko sahaara de main ghar aaya hun

muddaton baad pukara meri wahshat ne mujhe
muddaton baad main sahra mein nazar aaya hun

dekh rahon mein meri khar bichhane wale
main udhar chhod ke gulzar idhar aaya hun

sang hathon mein liye baithe hain ahbab yahan
aur main shanon pe sajae hue sar aaya hun

chashm-e-hairat se jise dekha karegi duniya
rang aise teri taswir mein bhar aaya hun

khud ko chahun bhi to ab dekh nahin paunga
apni aankhen teri dahliz pe dhar aaya hun

is qadar gahra dhundalka tha hunar raston mein
badi mushkil se zamane ko nazar aaya hun

chaman-e-shairi chhai thin khizaen jis par
le ke 'shiban' wahan main gul-e-tar aaya hun


Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close