ab is ke siwa aur na kuchh kaam karenge jab ishq na kar paenge aaram karenge hum bazm se uth kar teri ye soch rahe hain din kaise guzarenge kahan sham karenge dil kar diya un mah-jabinon ke hawale ab jaan bhi unhi logon ko inam karenge jab un se mera koi talluq hi nahin hai kyon log mujhe muft mein badnam karenge ab tak to hamein pir-e-mughan dekh rahe the ab shaikh hamein dakhil-e-islam karenge