ab kahan wo jurat-e-izhaar ‘kaifi-azmi’
ho gaya suna sukhan-darbar ‘kaifi-azmi’

rah gaya sani kahan us ka jahan-e-sher mein
waqt se tha barsar-e-paikar ‘kaifi-azmi’

khak mein sher-o-sukhan ke baam-o-dar ghaltan hue
kaun hai ab ghazi-e-guftar ‘kaifi-azmi’

ilm-o-hikmat ka khasara kis tarah bardasht ho
shaeri ka sust hai bazar ‘kaifi-azmi’

sher-raste ke musafir is liye ghamgin hain
kat gae sab ped saya-dar ‘kaifi-azmi’

kaun sunta hai sada tute hue dil ki 'azim'
kis se ja kar main karun izhaar ‘kaifi-azmi’