ab ke barsat to ghar kar ke hi mismar gai
dar ko roka tha thapedon mein ki diwar gai

kya safar kis ka makan kaisi hawa kis ka shajar
tezi-e-par gai khas-raizi-e-minqar gai

ho gae gosha-nashin ghar mein jo hum khak-basar
kaun si aabru-e-kucha-o-bazar gai

daere sare dil o zehn ke zanjir bane
chhin gai ruh-e-amal gardish-e-parkar gai

kuchh zyaada hi pareshan hain palatti maujen
dard mein dubi hui lai koi us par gai