ab na badlega koi karwat jahan mere liye maut hogi bais-e-taskin-e-jaan mere liye mere dil mein khud hai ek dariya-e-atish maujzan aasman palega kya tu bijliyan mere liye ek tahni bhi na chhodi barq ne gulzar mein aashiyan koi banae bhi kahan mere liye saqiya behtar hai teri is mai-e-gul-rang se meri chashm-e-gham ka jam-e-arghawan mere liye jo maza ashkon ke pine mein hai wo is mein kahan hai har ek qatra hayat-e-jawidan mere liye