ab tak to yahi pata nahin hai
is shahr mein kya hai kya nahin hai

patte ko na is tarah se dekho
tahni se abhi gira nahin hai

chup-chap khada hua hun kab se
ehsas to hai sada nahin hai

ek lamhe mein main bhi tu bhi dukh bhi
zalim koi waqt sa nahin hai

jo aks hai aaine mein mera
us se koi wasta nahin hai

us rah pe chal raha hun kab se
jis rah mein naqsh-e-pa nahin hai

har tan pe jo 'ashk' thik baithe
wo coat abhi sila nahin hai