ab takhayyul mein hi taswir banani hai mujhe yani tadbir se taqdir banani hai mujhe rizq kaisa hai muqaddar mein likha kya hai mere kya isi fan se hi jagir banani hai mujhe kitni qatil hai teri aankhen pata hai tujh ko teri aankhon ko hi shamshir banani hai mujhe teri yaadon ne hi todi hai khamoshi meri main to samjha tha ki zanjir banani hai mujhe jagti aankh se ek khwab koi dekha tha kya isi khwab ki tabir banani hai mujhe surakh-ru kar de mujhe aa ke chala de khanjar is lahu se koi tahrir banani hai mujhe jawedani to mayassar hi nahin hai mujh ko phir bhi duniya mein to tauqir banani hai mujhe