ab udasi hi udasi hai muqaddar apna
jaane kis rah mein gum ho gaya lashkar apna

dil ke hone ka pata ab nahin lagta hai hamein
jism-o-jaan jaise hua sara hai patthar apna

nur-e-iman se raushan hai wajud-e-adam
aks-e-iman se sina tha munawwar apna

ras duniya mujhe aai tere hone se magar
tera gham hi to raha aaj bhi rahbar apna

ki hai sargoshi sar-e-sham mere dil ne phir
is liye hum ne lapeta nahin bistar apna