ab yaad teri dard ko bahla na sakegi
main chahun bhi to mujh ko hansi aa na sakegi

kuchh kam nahin ai dost bhulane ki musibat
mana ki meri yaad bhi ab aa na sakegi

bedad-e-karam chahiye hum sang-dilon ko
ye kam-nigahi aap ki tadpa na sakegi

bas mere hi dam tak hai ye hangama-e-ulfat
phir gardish-e-alam ise dohra na sakegi

kuchh zabt-o-sukun chahiye is rah mein 'sahir'
be-tabi-e-dil husn ko sharma na sakegi