'abas is zindagi par ghafilon ka fakhr karna hai ye jina koi jina hai ki jis ke sath marna hai jo mustaqbil ke 'ashiq hain unhen uljhan mubarak ho hamein to sirf ab guzra zamana yaad karna hai gul-e-pazhmurda se ghunche ko hamdardi nahin mumkin abhi to is ko khilna hai abhi is ko sanwarna hai mera dil mujh se kahta hai mere sine mein ai 'akbar' ta'ajjub hai ki rahna sahl hai mushkil thaharna hai khuda jaane wo kya samjhe ki bigde is qadar mujh par kaha tha main ne itna hi mujhe kuchh ‘arz karna hai