abhi abhi wahi naghma abhi abhi matam
abhi abhi wahi shoala abhi abhi shabnam

ye bu-e-gul ye salasil ke shor ka aalam
bahut qarib hai shayad bahaar ka mausam

musafiran-e-mohabbat duaen dete hain
ki sham-e-rah bana hai hamara naqsh-e-qadam

wo iqtiza-e-mohabbat bhi khub tha ai dost
ki be-khudi mein bhi rakhna pada khudi ka bharam

nazar tamam mohabbat badan tamam kashish
rukh-e-sabih ki ranaiyan tamam iram

qarar us ko bhi 'nazim' zara nasib nahin
mere junun-e-tajassus ka dekhiye aalam