abhi zara si hawa lagi hai
abhi mohabbat nahin hui hai

kisi pe mar ke hai jina sikha
jo jaan de di to jaan bachi hai

jo main ne puchha ki ishq hai kya
wo hans ke bole ye zindagi hai

jo qalb ko zindagi na bakhshe
wo bandagi bhi kya bandagi hai

yun ilm malum ko na samjho
ye ilm malum ki nafi hai

ye ishq ki hai namaz jis mein
na to imam aur na muqtadi hai

tumhaari maula ki khoj 'alam'
ye hath kangan ko aarsi hai