adawat se agar tu be-khabar hota to achchha tha tere dil par mohabbat ka asar hota to achchha tha talluq aur shikayat lazim-o-malzum hote hain agar baham watira darguzar hota to achchha tha sukun-e-dil tere didar se barbaad hota hai meri nazron se poshida agar hota to achchha tha tere bin bhi safar to zindagi ka kat hi jaega mere hamdam tu mera ham-safar hota to achchha tha khuda ne to ayan kar di bhalai bhi burai bhi agar insan shanas-e-khair-o-shar hota to achchha tha