adu-e-khira-sarab ho gaya bada khurrant
yahi hai dil mein ki den aaj us ko hum ek dant

safa-e-qalb hi se zeb-e-jama-zebi hai
kahan se chust qaba aa gai qaba mein sant

mile ho subh-dam ai yar koi dam dam lo
tumhaare jaane mein kya dam mera lagaega aant

sipah-e-qalb-shikan ban gain saf-e-mizhgan
tum aise safdar-e-ghazi ho kant mein hai chhant

tumhaara 'saqi'-e-shaida hai be-nawa sail
zakat-e-husn ka hissa faqir ko do bant