agar jahan mein khuda ke siwa kuchh aur nahin
to phir nasib dua ke siwa kuchh aur nahin

hamare pas hamara zamir hai logo
tumhaare pas ana ke siwa kuchh aur nahin

kabhi wafa thi mohabbat mein aur khulus bhi tha
hayat aaj jafa ke siwa kuchh aur nahin

wo khud hi kahte hain aur khud hi sunte rahte hain
ki un ke pas sada ke siwa kuchh aur nahin

wo zeb-tan kiye kamkhab-o-resham-o-atlas
hamein nasib rida ke siwa kuchh aur nahin