ahl-e-dil bhi dekhiye ab kya se kya karne lage shishagar bhi pattharon se mashwara karne lage de diya hai tajrabaat-e-zindagi ko rukh naya aaj hum apne tain har faisla karne lage masalon ka hal nazar aaega kaise dosto hum dar-e-aghyar par jab iltija karne lage is liye wo jujhte hain roz-o-shab haalat se jo zara si baat par jhagda khada karne lage ye siyasi log banjaron key tarah dekhiye bastiyon se dur ja kar ratjaga karne lage hazrat-e-ayyub ko kya padh liya tum ne 'bahaar' sabiron ki zindagi par tabsira karne lage