ai dil tere tufail jo mujh par sitam hue puchhe jo mujh se koi to kah dun ki kam hue mere charagh-e-zehn ko wo gul na kar sake haalanki sab andhere mere dil mein zam hue harf-e-ghazab se bhi hamein mahrum kar diya yun be-niyaz hum se hamare sanam hue un ki zamin-e-dil ka to qissa hi aur hai warna un aansuon se to sahra bhi nam hue ahbab ne to raste dhunde the mukhtalif lekin sab aa ke meri hi rahon mein zam hue rabt-e-dili se khalq ko ab wasta kahan ab to hama-shuma bhi asir-e-manam hue 'arshad' fasil-e-zehn mein badhne laga jo habs hum shahr-e-dil mein ja ke zara taza-dam hue