ai wahshat-e-jaan dard ke shahkar bahut hain zinda hain magar log ye bimar bahut hain nafrat mein nahin aib mohabbat pe hai bandish is shahr mein is tarz ke mear bahut hain ye mashq-e-tabassum hai faqat rasm-e-zamana shikwe to pas-e-parda-e-izhaar bahut hain ek mujh ko tera dard bhi manzur hai jaanan khushiyon ke teri warna talabgar bahut hain virane mein ho sakta hai mahfuz rahen hum insan ki nagri mein to khunkhar bahut hain jismon ki tijarat to hamesha se hui hai ruhon ke bhi is daur mein bazar bahut hain masum-e-gunah sirf gunahgar wahin hain jis shahr mein insaf ke darbar bahut hain thahre hue aansu kai jagi hui raaten 'asim' pe tere dard ke aasar bahut hain