aisa jadu kiya baat hi baat mein
nind aati nahin ab mujhe raat mein

kaun shair tere husn ki aanch ko
dhaal paya kabhi apne naghmat mein

bhini bhini wo khushbu tere zulf ki
aa hi jati hai mere khayalat mein

koi shair nahin bas tujhe dekh kar
lahr uthne lagi mere jazbaat mein

tu nahin to shafaq mein bhi surkhi nahin
phul bhi ho gae zard baghat mein

tere 'maqsud' ki hai ye hasrat faqat
dekh le tujh ko rukhsat ke lamhat mein