alam-ba-dast kahin aaina-ba-kaf hun main
tere khilaf har ek samt saf-ba-saf hun main

mujhe talash na kar tu ki ek zamana hua
kitab-e-ishq ke har bab se hazaf hun main

hazar bhes badalta rahun magar is par
kisi chamakti hui aankh ka hadaf hun main

badalta rahta hun har lamha apne khad-o-khal
kahin guhar kahin dariya kahin sadaf hun main

data hua hun abhi tak mahaz par 'shahzad'
agarche haare hue shah ki taraf hun main