andhi basti mein ek ajuba hun
aankh rakhta hun aur gunga hun

din tamashai mujh ko kya jaane
meri raaton se puchh kaisa hun

rang-e-duniya bhi ek tamasha hai
apne hathon mein ek khilauna hun

meri mashal se raat pighli thi
subh tinka sa main hi bahta hun

kya ye duniya hi chah-e-babul hai
aadmi hun ya main farishta hun

khud ko pane ki kya sabil karun
main inhi raston mein khoya hun