ang ang jhalak uthta hai angon ke darpan ke beach
mansarower umde umde hain bharpur badan ke beach

chand angdai par angdai lete hain joban ke beach
maddham maddham dip jale hain soe soe nayan ke beach

mukhde ke kai rup dudhiya chandni bhor sunahri dhup
raat ki kaliyan chutki chutki si baalon ke ban ke beach

mathura ke pedon se kulhe chikne chikne se gore
rup nirt ke jage jage chhatiyon ki thirkan ke beach

jaise hiron ka minara chamke ghor andhere mein
diwali ke dip jale hain choli aur daman ke beach

man mein basa kar murat ek an-dekhi kaamani radha ki
'ahmad' hum to kho gae brindaban ki kunj galiyan ke beach