anjaan bastiyon ka pata puchhta hun main ye kis ki justuju hai kise dhundhta hun main jab mere dil se dur mera ham-nafas nahin sare jahan ki khak abas chhanta hun main kya jabr tha ki sab ki zaban gung ho gai kya jurm tha ki jis ki saza chahta hun main pahle to main bhi hans ke use talta raha ab dil jo kah raha hai wahi manta hun main ye fasla to sirf nazar ka fareb hai hum kis qadar qarib hain ye jaanta hun main manzil to sirf nam hai pahchan ke liye jis ki tumhein talash hai wo rasta hun main