apna sar apni hatheli pe sanbhaale nikle zindagi yun bhi tere chahne wale nikle mashalen tund hawaon mein chale hain le kar tere ushshaq zamane se nirale nikle sath chhoda na rah-e-shauq mein aakhir dam tak kitne dam-saz mere panw ke chhaale nikle tirgi gham ki badhi had se to aansu ban kar dil ke rauzan se umidon ke ujale nikle khun-baha mangte hum apna to kis se aakhir jitne qatil the wo sab chahne wale nikle pursish-e-haal ki ummid thi jin se 'natiq' wo bhi honton pe lagae hue tale nikle