apne ghamon ki baat nahin hai hansi ki baat is rang mein bhi karte hain hum zindagi ki baat danishwaron ki bazm mein logo kahan chale lo meri wahshaton se suno aagahi ki baat ahl-e-khirad pe farz hua sajda-e-junun mahfil mein jab chhidi meri diwangi ki baat barbaad hain bagule pareshan shamim-e-gul pahunchi kahan kahan teri aawargi kei baat kya kya zamana mujh pe lagae na tohmaten lahja badal ke kah dun agar aap hi ki baat hai apni apni sab ko hi 'bismil' padi hui sunta nahin hai ghaur se koi kisi ki baat