apni nazir aap rahe hum jahan rahe zor-azma agarche zaman-o-makan rahe raste hamare panw se lipte rahe sada hum teri justuju hi mein ai mehrban rahe jis ko tere huzur mein milti na ho jagah wo kis ke dar pe jae wo aakhir kahan rahe tu ai bahaar hum ko mitane pe tul gai hum to tamam umr tere raaz-dan rahe is waqt jab ki log masarrat-nawaz the hum hi gham-e-habib tere pasban rahe wo paikar-e-khulus hai wo aarzu-e-dil ai 'soz' us ka nam hi wird-e-zaban rahe