are khuda ke bande khud ko rab ki samt mod to wajud bakhsha jis ne tujh ko rishta us se jod to badi hi sahal-o-asan zindagi ho jaegi teri tu ittibaa-e-khwahishat-e-zindagi ko chhod to jo lambe lambe khwab dekh rakhe hain bharam hai mahz hai aql-mand tu agar to is bharam ko tod to hai muddaton se tere intizar mein bhi ek lahad bhalai chahe wan to nafs apna kuchh marod tu jawab dena chahe gar tu munkar-o-nakir ko tu fikr-e-akhirat mein apne aap ko nichod to