azan se nara-e-naqus paida ho nahin sakta
abhi kuchh roz tak kaba kalisa ho nahin sakta

zaban se josh-e-qaumi dil mein paida ho nahin sakta
ubalne se kuan wusat mein dariya ho nahin sakta

bahut pinhan rahi dil mein khalish khar-e-tassub ki
magar ab imtihan ke waqt parda ho nahin sakta

giran hai jins aur niyyat kharidaron ki abtar hai
ab is bazar mein ulfat ka sauda ho nahin sakta