baat hone ko kya nahin hoti ek qubul iltija nahin hoti ishq ka kaam zulm sahna hai husn mein go wafa nahin hoti dil pe kar jae jo asar tere har sada wo sada nahin hoti dil mein khinchti to hai teri taswir kuchh magar der-pa nahin hoti yaad teri bhulaen to lekin dil se zalim juda nahin hoti sirf mujh se khataen hoti hain un se koi khata nahin hoti ishq hai aafat-e-musalsal 'mauj' ishq ki intiha nahin hoti