badh rahi hai dil ki dhadkan aandhiyon dhire chalo phir koi tute na darpan aandhiyon dhire chalo ye chaman sara ka sara aaj-kal khatre mein hai har taraf hai aag dushman aandhiyon dhire chalo ek yug ke baad baadal ka naya aanchal mila khush bahut hai aaj sawan aandhiyon dhire chalo likh rahi hai khushbuon ko khat kamal ki pankhudi khil utha hai jhil ka man aandhiyon aandhiyon dhire chalo sari sansen aandhiyan hain aur main murthal ki ret aur badh jati hai uljhan aandhiyon dhire chalo sath in pachhua hawaon ka bahut achchha nahin kah raha purwai ka man aandhiyon dhire chalo ye jo phulon ka nagar tha is mein hi kanton se ab bhar gaya har ek aangan aandhiyon dhire chalo jag gae to zahr bhar denge fazaon mein 'kunwar' khul na jaen sanp ke phan aandhiyon dhire chalo