bahut hao-hu rahguzaron mein hai wo tanha hawa ke hisaron mein hai use qatl karne pe tul jaenge ye saya mere gham-gusaron mein hai labon par darakhshan huruf-e-hayat iqamat shikasta mazaron mein hai habibon ne bhi chehre dafna diye koi baat aaina-karon mein hai azizo kahan tak ye nauhagari zamin par nahin hai sitaron mein hai labon par jamega ghubar-e-sukut wahi shor-e-sarsar chanaron mein hai