bandish-e-alfaz hi se shairi hoti nahin sirf ji lene se jaise zindagi hoti nahin shairi kaifiyyat-e-jazb-o-junun ka nam hai ye na ho to shairi phir shairi hoti nahin jo bhi ho lekin hamare waste ye shairi parda-dar-e-raaz-ha-e-zindagi hoti nahin garmi-e-jazbaat mein imkan hasin dhoke ka hai dil ki chingari farogh-e-daimi hoti nahin pak hota hai junun-o-justuju se raazdan raaz-dani be-niyaz-e-agahi hoti nahin mukhtalif ek dusre se hain haqiqat aur majaz kucha-e-mahbub kaba ki gali hoti nahin