barish-e-sang hai us par kahan jata hai ai mere aaina-kirdar kahan jata hai main samajhta tha wo jate hue rokega mujhe aur puchhega mere yar kahan jata hai main chala jata hun duniya ki taraf majburan mere andar ka ye fankar kahan jata hai main ne khud phenk ke talwar kaha dushman se chhod kar apni ye dastar kahan jata hai jab koi dast-e-talab badhta hai meri jaanib dil tera jazba-e-inkar kahan jata hai tujh se behtar hain kai log meri nazron mein tu abhi jaanib-e-pindar kahan jata hai