bas ek khali sa paikar dikhai deta hai
ye kaun khwab mein aksar dikhai deta hai

bas us ke hone ka ehsas hi nahin hota
kabhi kabhi wo barabar dikhai deta hai

main jis se milta hun ek bar dekhne ke liye
bichhadta hain to mukarrar dikhai deta hai

chalo ki us pe bhi chadhne laga hai hijr ka rang
wo ab ke pahle se behtar dikhai deta hai

bichhad ke jata kahan hai wo aankh khulte hi
jo mujh ko khwab mein shab bhar dikhai deta hai

ye log kaise bhi is dasht ke nahin lagte
sabhi ki aankhon mein ek ghar dikhai deta hai