bas ek zara khayal hamein dosti ka hai warna bahut malal teri be-rukhi ka hai tu bhi hai zindagi mein kahin hai mujhe yaqin ya ye bhi ehtimal meri sadgi ka hai hai aaj jism-o-jaan pe teri yaad ki thakan ek khauf mere dil ko kisi an-kahi ka hai waqif hun tere dard se lekin mere habib ab to ye masala bhi meri zindagi ka hai lab hain khamosh zabt se lekin ye masala aankhon mein teri yaad se phaili nami ka hai rishton ke darmiyan bahut mutmain hun main is zindagi mein dard to teri kami ka hai ye din ye shab ye phul se mausam tere baghair kaise guzar rahe hain gila bas isi ka hai