bazm-e-ahbab bhi mere liye tanhai hai main ne ikhlas ki kya khub saza pai hai jaane kyon pahli mulaqat mein ehsas hua aaj-kal ki nahin barson ki shanasai hai shukr hai tera saba tu ne ye ehsas kiya khushbu-e-zulf-e-sanam le ke idhar aai hai dur ho jaegi tariki shab-e-hijran ki aa mere chand ki suni meri angnai hai dil khincha jata hai ab kucha-e-qatil ki taraf dekhiye aaj qaza le ke kahan aai hai ab karo band bhi aankhon ke dariche 'monis' mahfilen khatm huin aalam-e-tanhai hai