be-ab-o-be-gyah hua us ko chhod kar
kaise bujhaun pyas main patthar nichod kar

wo bhi ajib sham thi jin saaton ke beach
main bhi bikhar bikhar gaya shishe ko tod kar

main ghar gaya hun rang-e-saped-o-siyah mein
wo khush hai zafran ki ek shakh tod kar

kuchh aur tez ho gai andar ki raushni
ek pal bhi mil saka na sukun aankh phod kar

ab tak to sher-goi pe qane raha magar
tu bhi 'shakeb' ayaz koi tod-jod kar