be-chaargi-e-dosh hai aur bar-e-garan hai izhaar pe pabandi hai aur munh mein zaban hai hota hai yahan roz mere dard ka sauda ai tegh-ba-kaf roz-e-mukafat kahan hai aazad karo khun ko bazar mein lao sadiyon se ye mahkum ragon hi mein rawan hai han rang-e-bahaaran hai magar us ke lahu se jo dast-ba-dil mohr-ba-lab dard-ba-jaan hai har samt hai bazar khula hirs-o-hawas ka har shahr mein har kuche mein waiz ki dukan hai kal kis ko zaban band karoge zara socho kal dekhoge hum ko ki zaban hai na dahan hai kis shahr-e-khamoshan mein chale aae hain hum log ne zor-e-sinan hai na kahin shor-e-fughan hai har dard ki had hoti hai yun lagta hai jaise is dard ka koi na zaman hai na makan hai