be-nishan qadmon ki kahkashan pakadte hain hum bhi kya diwane hain aasman pakadte hain koi dil ko bheje hai raushni ki tahriren rauzanon mein kirnon ki doriyan pakadte hain zehn us ke paikar mein dub dub jata hai khelte hue bachche jab dhuan pakadte hain aap gahre pani ka ek bada samundar hain hum to ek manjhi hain machhliyan pakadte hain ab kahan uchhalte hain dekh kar jahazon ko lekin aaj bhi bachche titliyan pakadte hain ghar ke sare darwaze jagte hain raaton ko band band kamron ki choriyan pakadte hain ye bhi ek bada fan hai aaj-kal ke logon mein sher kah nahin sakte khamiyan pakadte hain