be-qarari si be-qarari hai sans lena bhi ab to bhaari hai maut ko kis liye karen badnam zindagi zindagi se haari hai aadmi is se bach nahin sakta waqt sab se bada shikari hai kya hua gar nahin khushi apni gham ki jagir to hamari hai shakl apni na dekhiye is mein aaina jo chamak se aari hai sham ke ranj ko bhi yaad rakhe chadhte suraj ka jo pujari hai gulsitan aap ka sahi lekin zindagi kis ne us pe wari hai