bewafa ho na ba-wafa ho tum
hum samajhte hain bas-ki kya ho tum

tum na dariya ho aur na pani ho
sirf pani ka bulbula ho tum

jaise mitti se ban ke aae ho
isi mitti ki phir ghiza ho tum

ek zamana agar guzar jae
ek kahani ho majra ho tum

jaan lo ab bhi is haqiqat ko
aur samajh lo ki kitne kya ho tum

main to bas ek haqir banda hun
ye na samjho ki bas khuda ho tum

kuchh khata hum se bhi hui 'jazib'
kaise kah den ki bewafa ho tum