dil ki chahat ko aaftab karo apni sirat ko mahtab karo dil ko aamada-e-sawab karo nekiyan aur be-hisab karo nafs ke intishaar mein phans kar apni duniya na tum kharab karo fazl-e-rab ki agar tamanna hai bas gunahon se ijtinab karo apni duniya sanwar lo lekin aakhirat ko bhi kaamyab karo pahle sirat sanwar lo apni phir zamane ko tum khitab karo ghar ko jannat agar banana hai nek biwi ka intikhab karo