bhatakti hain zamane mein hawaen kise aawaz den kis ko balaen ye dil ka shahr mushkil se basa tha chalo is shahr mein ab khak udaen kabhi duniya par us ke raaz kholen kabhi apni bhi aagahi na paen kabhi shor-e-qayamat se khule aankh kabhi patta hile aur chaunk jaen meri duniya mein rahna chahti hain purani sohbaton ki apsaraen mere kanon mein basna chahti hain gae-guzre zamanon ki sadaen