bigde wo lakh tarah magar gul na ho saka
main apne sadqe yan bhi tamul na ho saka

go hichkiyan rahin mujhe mina ki yaad mein
lekin ada tarana-e-qulqul na ho saka

mumkin nahin mera dil-e-pazh-murda shad ho
kumhla gaya jo ghuncha wo phir gul na ho saka

allah re josh aap ki bakhshish ke baad bhi
ashkon se mere tark-e-tasalsul na ho saka

bigda hua mizaj sambhalta nahin 'nasim'
tanon ka un ke mujh se tahammul na ho saka