bigdi hui hai dekhiye tashkil zist ki
haalat pe sar-ba-dast hain jibril zist ki

aa ja rahi hai sans badi mushkilat se
jal bujh rahi hai raat se qindil zist ki

wo lamha-e-qaza jo adhura kare mujhe
jab chahta hai karta hai takmil zist ki

raunaq thi jin ki wajh se wo hans mar gae
khali padi hai sath pe ab jhil zist ki

ek mukhtasar sa qissa sunata hun lo suno
tamhid mein hi bandh ke tafsil zist ki