bikhra bikhra hasti ka shiraaza hai diwaron par khun abhi tak taza hai tum par koi war na hoga pichhe se dost nahin ye dushman ka darwaza hai ek ek kar ke sari qadren tut gain ye apni khuddari ka khamyaza hai kaun kisi ki sunta hai is basti mein chikh tumhaari sahra ka aawaza hai andar se sab qatil hain sab khuni hain chehron par ikhlas ka jin ke ghaza hai ham-saya hi ham-sae ko lutega 'rahbar' mera aisa ab andaza hai