bismil kisi ko rakhna rasm-e-wafa nahin hai
aur munh chhupa ke chalna shart-e-wafa nahin hai

zulfon ko shana kije ya bhaun bana ke chaliye
gar pas dil na rakhiye to ye ada nahin hai

ek roz wo sitamgar mujh se hua mukhatib
main ne kaha ki pyare ab ye rawa nahin hai

marte hain hum tadapte phirte ho tum har ek ja
jaana ki tum ko hum se kuchh muddaa nahin hai

tab sun ke shokh dilkash jhunjhla ke kahne laga
kya waza meri 'asif' tu jaanta nahin hai