bojh lagti hai zindagi mujh ko ab to pyari hai khud-kushi mujh ko yaad aai agar teri mujh ko tham legi ye shaeri mujh ko ab mera kaun hai yahan par jo apne hissa ki de khushi mujh ko aur is ke siwa kami kya ho ho gai jo teri kami mujh ko sach to ye hai gham-e-firaq mein ab mar dalegi khamushi mujh ko ek sae ne sath jab chhoda khud pe aai thi kuchh hansi mujh ko kya mila tha mujhe mohabbat mein yaad aaya han be-dili mujh ko